Universidade Popular de Verao

Do 6 ao 19 de julho dará lugar a Universidade Popular que cada verao organizamos para compartir experiencias para o activismo e a vida. Umha vida que se vê cada dia mais amiazada pola deriva fascista. Por isso, desde a Gentalha, estamos Formando resposta ante o racismo, a misogínia, o espanholismo, a privatizaçom, a especulaçom, a religiosidade no Cavalo de Troia do pós-modernismo, o sionismo, o genocídio… Queremos pensar, construir e compartilhar respostas ante estas formas de fascismo para, entre todas, para berrar bem forte que Nom pasarám!

Os cursos tenhem preços populares, para serem acessíveis a quem quiser vir e também apoiar ao centro social:
– Preço sócias por curso: 4€.  Abono todos os cursos: 12€ 
– Preço nom sócias, por curso: 5€. Abono todos os cursos 15€
– Preço solidário: À vontade, o que cada quem puder por cima dos 5€: curso / 15€: Abono

Para participares, inscreve-te desde a nossa WEB (tes as ligaçons embaixo). Recomendamos que o fagas até 48h antes do curso que te interesse, pois se nom chega a um mínimo de inscriçons será cancelado. Se vai avante, ainda é possível inscrever-se nos dois dias prévios.

IMPORTANTE: As vagas som limitadas, polo que se nom vás vir pedimos-te que anules a reserva com 48h de antelaçom (terás um enlace para fazê-lo no mail de inscriçom). Organizar esta actividade supóm muitas horas de trabalho voluntário tanto das ativistas que organizam a UP como do professorado que prepara o curso, polo que só pedimos um mínimo de compromisso à hora de inscrever-se. Caso a cancelaçom chegue mais tarde de 48h:
– Deverás pagar igualmente o curso
– Cancelaremos todas as reservas que tenhas na UP

Todos os cursos serám no nosso Centro Social (Sta Clara 21) agás os que tenhem outro ponto de encontro especificado na informaçom. Se tens algumha dúvida, escreve a cursos@gentalha.org

Consulta o programa: https://gentalha.org/2026/06/universidade-popular-de-verao-2026/